Revista Comunica
"Comunica": espazo de reflexión e análise sobre a profesión xornalística
A APG comezou en 2004 a publicación dunha revista en papel con traballos sobre xornalismo e comunicación coa intención de ser unha publicación galega sobre eses eidos, en tódalas súas posibles vertentes e modalidades. “Comunica” publica traballos de investigación, artigos ou recensións sobre o mundo da información que demostren interese para ser difundidos. O Consello Asesor de Redacción vela polo mantemento deste principio editorial. Os traballos están conformados por artigos, estudos ou informes dedicados a aspectos moi variados dentro do ámbito da comunicación e da profesión xornalística. “Comunica” estará aberta á colaboración de tódolos profesionais, docentes e investigadores das facultades de Comunicación de Galicia que queiran ofrecer as súas achegas.
O último número de Comunica contén o informe “Diagnóstico sobre a profesión xornalística en Galicia”, elaborado a partir dunha enquisa respondida por 228 profesionais da comunicación da nosa comunidade. O número 9 da revista foi coordinado polo xornalista e catedrático de Xornalismo da USC Xosé López e dirixido polo directivo da APG Virgilio Costas.
María Méndez.
Neste número da nosa revista, Comunica quixo tomar unha fotografía da situación laboral e profesional actual das persoas que se dedican á información e á comunicación na comunidade autónoma. Para iso, ademais de presentar un informe elaborado a partir dunha ampla enquisa, que responderon 228 profesionais que desenvolven o seu traballo en Galicia, inclúe claves de futuro sobre o noso quefacer en Galicia, dacordo coa visión individual que plasman nestas páxinas varios docentes, investigadores e académicos de prestixio, expertos na materia.
Comunica, no formato dixital que adquiriu desde a súa redición, está accesible a través do PDF que inclúe esta páxina.
Ninguén discute que o xornalismo resulta hoxe máis necesario que nunca. Pero, que tipo de información e cales son as condicións nas que veñen exercéndo os seus profesionais? Máis ben parece que esta análise queda sempre relegada a un segundo plano, como se este sector considerado máis que nunca esencial, non requerise dun diagnóstico que lle permita asentar unhas bases sobre as que avanzar no seu desenvolvemento e protagonismo. Acometer esa tarefa foi sempre un dos obxectivos da APG, que con este informe propúxose achegarse á coxuntura real da profesión en Galicia. Non tanto como unha exploración banal das súas circunstancias, senón como unha abordaxe fonda da situación na que se encontra a nosa actividade e os seus protagonistas.
Medios e xornalistas: unha transformación que non cesa
ISMAEL NAFRÍA
Xornalista, autor, consultor, profesor e conferenciante especializado en medios dixitais
O necesario retorno dos intermediarios
JOSÉ MANUEL VELASCO
Profesor de Comunicación Política e Formación de Portavoces da Universidad Antonio de Nebrija
O xornalismo non ten quen o lea
MARÍA JOSÉ CANTALAPIEDRA
Catedrática de Xornalismo no departamento de Xornalismo na Universidad del País Vasco (UPV/EHU)
A transición das TV locais á tecnoloxía dixital. Un cambio de modelo
Arturo Maneiro Vila
O asociacionismo profesional dos xornalistas en Galicia
Moncho Paz/Arturo Maneiro
A autorregulación da prensa
O autocontrol da televisión/Tendencias da TV en Galicia
Premios de Investigación sobre Comunicación Fundación Caixa Galicia-APG
O impacto da intelixencia artificial nos medios de comunicación