Ao servizo dos profesionais da comunicación
A Asociación de Xornalistas de Galicia (APG) foi fundada o 5 de maio de 1995, en Santiago de Compostela. Entre os obxectivos fundacionais figuran a promoción e defensa do exercicio da profesión xornalística e da comunicación para contribuír á súa dignificación para alcanzar un maior prestixio social.
Para iso, a APG promove o desenvolvemento de actividades que contribúan á formación permanente dos profesionais e pola realización de estudos e investigacións sobre os medios de comunicación e o conxunto do sector.
Deste modo, organiza e impulsa a celebración de seminarios sobre a comunicación e as empresas xornalísticas, a publicación de traballos de investigación, a realización de conferencias e foros de debate sobre o sector, así como a constitución de premios que recoñezan aos profesionais polos seus méritos e a súa contribución exemplar na defensa da profesión e dos valores sociais, culturais e deontolóxicos.
Entre outros, a Asociación de Xornalistas é a promotora do premio Diego Bernal, que recoñece as traxectorias exemplares de profesionais do ámbito da información e a comunicación. Así mesmo, impulsa o premio José Luis Alvite dedicado a recoñecer o traballo realizado por destacados columnistas e formadores de opinión.
A APG, de acordo cos seus principios fundacionais, estableceu convenios de colaboración con diversas asociacións e organizacións profesionais para construír alianzas para a defensa da profesión, como a Asociación de Xornalistas de Galicia en Madrid, a Asociación de Empresarios de Artes Gráficas de Galicia, a Asociación de Directivos da Comunicación (Dircom), entre outras.
Impulsando o xornalismo dende 1995
Únete á maior organización do xornalismo galego
Formar parte da APG é apoiar ao sector da comunicación e do xornalismo. Poden ser socios os licenciados en Ciencias da Comunicación e aqueles profesionais que desenvolvan a súa actividade nalgun medio de comunicación ou na docencia da Comunicación. Solicita máis información e únete á maior organización do xornalismo e a comunicación de Galicia.
A APG traballa para o impulso e a dignificación social da profesión xornalística.
Como podemos axudarche? Contacta connosco.
Unha organización ao servizo do xornalismo
Os estatutos da Asociación de Xornalistas de Galicia regulan o funcionamento da organización e os dereitos e deberes dos seus membros.
Xunta Directiva
Consejo Asesor
