A Asemblea da APG renova o mandato de Arturo Maneiro como presidente e Ángel Botana como presidente de honra
A Asemblea Xeral extraordinaria da Asociación de Periodistas de Galicia (APG) aprobou a relección de Arturo Maneiro como presidente para os próximos cinco anos, mentres que Ángel Botana foi nomeado presidente de honra da entidade e quedaron elixidos os componentes da nova Directiva.
A nova Xunta Directiva está composta por:
- Ángel Botana, presidente de honra.
- Arturo Maneiro, presidente.
- José Castro, vicepresidente.
- Javier García Sánchez, secretario.
- Luis Rivero de Aguilar, tesoureiro.
- Moncho Paz, vogal para Comunicación e Relacións Externas.
- María Méndez, vogal para Formación e Desenvolvemento.
- Virgilio Costas, vogal para novas tecnoloxías.
- Ana Fernández Roca, delegada por A Coruña.
- Alfonso Riveiro, delegado por Lugo.
- Juan José Feijóo, delegado por Ourense.
- Martín Fernández Vizoso, delegado por Pontevedra.
- Octavio Rodríguez , delegado por Vigo.
Na primeira reunión da Directiva elixida pola Asemblea establecéronse as directrices para fomentar a promoción de actividades profesionais e ampliar o seu campo de acción.
Neste aspecto, a nova Xunta mostrou como unha das súas preferencias as novas tecnoloxías “co fin de ter unha maior presenza e visibilidade en tódolos ámbitos, dende a páxina web ás redes sociais”.
Ademais da organización de eventos profesionais, presenza en foros e debates, a Directiva da APG lembrou que en 2015 se cumprirán vinte anos do seu premio de periodismo anual, denominado “Diego Bernal” tra-lo pasamento do lembrado xornalista compostelán, quen fora vicepresidente da Asociación.
