José Manuel Rey Nóvoa recibiu o Premio Diego Bernal 2003

A Asociación de Periodistas de Galicia entregou o Premio Diego Bernal 2003 a José Manuel Rey Nóvoa (Monforte de Lemos, 1942), director do xornal El Correo Gallego.
O presidente da APG, Arturo Maneiro, explicou que este galardón é “un recoñecemento ao apoio de Rey Nóvoa, tanto á profesión xornalística, como á consolidación dunha empresa multimedia no mundo da comunicación en Galicia”.
No acto, Rey Nóvoa agradeceu á APG o premio que leva o nome do gran xornalista compostelán Diego Bernal. Lembrou o seu periplo profesional ao longo dos anos en El Correo Gallego, que considera “froito dunha combinación de orgullo, entrega, paixón e humildade”.