En la Edición XXV
Francisco Campos, premio Diego Bernal 2020
El acto de entrega tendrá lugar el día 23 de enero de 2020
A ASOCIACIÓN DE PERIODISTAS DE GALICIA ORGANIZÓ UN CONGRESO PARA
ANALIZAR O TRATAMENTO DA VIOLENCIA DE XÉNERO NOS MEDIOS
- Celebrouse os días 28 e 29 de novembro en Compostela, coa colaboración da Secretaría Xeral da Igualdade
- Entre as relatoras, expertas en Igualdade de diversas universidades e máis de 20 xornalistas.
Santiago de Compostela, 29 de novembro de 2019.- A Asociación de Periodistas de Galicia, APG, vai celebrar os días 28 e 29 de novembro o congreso “Medios de Comunicación e igualdade: unha mirada crítica ao tratamento da violencia machista”, concibido como un foro para debatir sobre a gran influencia dos medios de comunicación e da linguaxe xornalística cara á construcción dunha sociedade máis igualitaria. O congreso, organizado coa colaboración da Secretaría Xeral da Igualdade, foi presentado en rolda de prensa polo presidente da APG, Arturo Maneiro, e a secretaria xeral da Igualdade, Susana López Abella.
Na súa intervención, Arturo Maneiro sinalou a relevancia de estudar “desde todos os puntos de vista posibles, tamén o académico e o xurídico” a situación da comunicación nesta materia, poñendo de relevo que “todos estamos concernidos pola igualdade, sexa cal sexa o medio e o soporte” e destacando a oportunidade dun foro destas características “nun momento no que a actualidade está marcada por diferentes xuízos moi mediáticos no que se xulgan casos de asesinato e violación de mulleres”. Para conseguir unha completa análise da situación, o congreso contará cun sólido panel de relatoras, “todas elas de recoñecido prestixio e experiencia”, en palabras do presidente da APG.
Pola súa banda, a secretaria xeral da Igualdade, Susana López Abella, apelou na súa intervención á “necesaria formación en perspectiva de xénero dos profesionais do xornalismo”, tendo en conta “o importante papel dos medios de comunicación contra esta lacra que nos avergoña como sociedade”. Visibilizar a magnitude da violencia de xénero e transmitir a conciencia de tolerancia cero son algunhas das relevantes achegas do xornalismo citadas pola secretaria xeral, que cualificou de “insustituible” o traballo dos medios cara á loita contra a violencia de xénero. Rematou agradecendo o compromiso dos medios de comunicación no desenvolvemento desta iniciativa da APG.
O congreso, celebrouse no hotel Puerta del Camino de Santiago de Compostela, obedece á necesidade de afondar nunha análise profesional incisiva da que se derive o compromiso conxunto dos medios de comunicación de Galicia para un tratamento informativo que incorpore, de forma xeral, a perspectiva de xénero. Neste contexto, o Congreso servirá como punto de encontro para analizar o papel dos medios de comunicación no dobre compromiso de visibilizar a contribución das mulleres á sociedade e de aplicar boas prácticas para un tratamento xornalístico eficaz e idóneo da violencia de xénero, de xeito que amáis de informar tamén se cree conciencia social sobre esta lacra.
Panel de relatoras
Entre as relatoras Tamén o papel das universidades na construcción dunha comunicación non sexista será posto de relevo no Congreso, que contará coa intervención de expertas na materia como Rita Radl, coordinadora do Máster de Igualdade, Xénero e Educación da USC; Teresa Piñeiro, directora do Centro de Estudos de Xénero e Feministas da UDC; Águeda Gómez, responsable da Oficina de Igualdade de Xénero da Universidade de Vigo, e Isabel Muntané, codirectora do Máster de Xénero e Comunicación da Universidade Autónoma de Barcelona.
A necesidade dun xornalismo feminista será defendida cun relatorio de María Xosé Porteiro, fundadora de Xornalistas Galegas, unha asociación de máis de 200 profesionais comprometida co exercicio dun xornalismo con perspectiva feminista.
O panel de relatoras complétase con máis de 20 xornalistas, de medios galegos e nacionais, que exporán e debatirán cuestións como a actitude dos medios fronte á violencia machista, o tratamento informativo ás veces amarelista ou a contribución dos novos soportes para superar estereotipos de xénero.
Medidas de protección integral das vítimas de violencia de xénero en Galicia
Na segunda xornada, e xa na recta final do congreso, a secretaria xeral da Igualdade presentará as Medidas de protección integral da Xunta de Galicia para as vítimas de violencia de xénero, dando paso despois á lectura de conclusións e ao acto de clausura.
